Meira Action.

Tökum á stuttmyndinni lauk í gær morgun eftir þrjár tökunætur. Allir voru vel uppgefnir en hressir með gott verk. Allt lítur helvíti vel út og fara menn að eftirvinna kvikindið á næstunni. Ég er mjög spenntur að sjá loka útkomuna. Maður sat yfir leikstjóranum og horfði á skjáinn lýsast upp með fallegum tökum. Í einni tökunni þar sem leikarar öskra í skelfingu þá urðu smínkan og props stúlkan svo skelfdar að þær veinuðu með leikurunum, svo mikil var innlifunin. Það getur bara boðað gott.

Hérna er smá forsmekkur af ósköpunum.

Athugasemdir

[Jón Steinar Ragnarsson, 7.3.2007 kl. 13:48]

Blóðugt sem sagt.

Í Nóa Albínóa var of dýrt og erfitt að fá mikið af gerfiblóði, svo ég hrærði veggfóðurslím upp í stórum fanti og svo safnaði ég öllum rauðum matarlit á vestfjörðum til að blanda blóðið. Örlítið af mjólk til að gefa þessu massa. Ég hrærði þetta með berum höndum í brunafrosti fyrir utan húsið og svo var skvett. Annar leikarinn flissaði eftir tökuna og hún var ónýt ásamt 50 lítrum af blóði.  Við tók gríðarleg hreingerningarvinna og önnur blanda og þá tókst það, enda var það eins gott, því ekki var meira til.

[Rúnarsdóttir, 9.3.2007 kl. 11:40]

Þesi stuttmynd er s.s. ekki í anda Sound of Music ... ókei

[Ómar Örn Hauksson, 9.3.2007 kl. 13:49]

Nei það er ekki mikið um söng og gleði í okkar mynd en það er nóg af fjöllum. Það er þó eitthvað.

[Anna Benkovic Mikaelsdóttir, 11.3.2007 kl. 18:51]

...slátrun?