Pólverjinn er nýji niggarinn. Samkvæmt ÍFÍ

Sá í DV í dag að útlendingahatararnir í ÍFÍ hafa margt að segja og þora meir að segja að koma fram undir nafni ólíkt vitleysingnum hjá Skapara.com og þessum tveimur KKK lúðum sem strunsuðu um í lökum í öskjuhlíðinni fyrir nokkrum árum.

Ég vill ekki kalla þessa krakka rasista því að þau eru að agnúast út í sinn eigin kynþátt þar sem þau eru afskaplega á móti Pólverjum að einhverjum ástæðum, þrátt fyrir að það séu Litháar sem mest hafa haft sig frammi í fyllerís vitleysu og glæpum tengdum því, eins og koma fram í nýlegri könnun.

Er það ekki svolítið kaldhæðið að þessi hópur skuli verða til í vöggu útlendinga hér á landi. Ekki er langt síðan að þessi bær var morandi í Bandaríkjamönnum og allir þeir útlendingar sem koma til landsins þurfa að fara þar í gegn. Þannig að þessi bær á nánast allt sitt að þakka útlendingum sem voru aðal peningasprauta þessa bæjarfélags í áratuga skeið. Vita þessir krakkar það? Er þeim sama? Hvað finnst þeim um þau erlendu áhrif sem gegnsýra menningu okkar? Öll hlusta þau á erlenda tónlist, klæðast eftir erlendum tískum, Goth og hip hop er mjög íslenskt t.d.

Það var margt forvitnilegt og skondið í frásögninni eins og þegar stúlkan sem gaf viðtalið sagði í byrjun að Ísland væri ekki lengur hvítt af því að það væri allt morandi í Pólverjum hérna. Eitthvað að þessari fullyrðingu.Svo kvörtuðu þau einnig yfir því að fangelsi íslands væru uppfull af útlendingum sem væri ekki við hæfi þar sem þessi íslensku fangelsi væru fyrir íslenska fanga og enga aðra. Er hinsvegar sammála að senda ætti erlenda fanga til síns heima í afplánum, nóg er lítið pláss á Hrauninu fyrir, svo ekki er talað um þann kostnað sem fylgir því og við þurfum að greiða í skatt.

Mig langar að vita hvort að þessir krakkar geri sér grein fyrir ástæðunni fyrir öllu þessu erlenda vinnuafli. Eru útlendingar að "stela" vinnu af íslendingum? Held að enginn geti haldið þeirri fullyrðingu á lofti.Og af hverju eru krakkarnir að væla yfir þessu liði? Fengu þau ekki vinnu í fiski, skúringum, vöruafgreiðslu eða byggingarvinnu vegna útlendinga? Í staðinn fyrir að röfla yfir útlendingum eiga þessir krakkar að röfla yfir því hvað Íslendingar hafa það gott, hafa meiri möguleika á vel borgaðri og virðingameiri vinnu. Það er út af góðærinu og auknum tækifærum sem íslendingar sækjast ekki í láglaunastörf. Ef að manneskja sér að menn eins og Lárus Welding sem er rétt 32 ára er kominn í eina hæst launuðustu stöðu á landinu svona ungur að árum þá eru menn ekki að hlaupa í slorið og ryðgaða nagla til þess að verða ríkir. Það kemur útlendingum ekkert við hvernig vinnu ástandið er, ef ástand skildi kalla þar sem atvinnuleysi hefur aldrei verið minna og flestir hafa það bara gott.

Einnig er stór hluti af þessum "Pólverjum" farandverkamenn sem yfirgefa landið þegar þeirra vinnu er lokið. Þess vegna er enginn að fara skilda menn í tungumálanám og margra vikna background check vegna tímabundinnar vinnu. Þetta snýst allt um tíma og peninga, sem enginn hefur og vill ekki eyða.Það eru ekki útlendingarnir sem koma hingað á eigin vegum til þess eins að finna vinnu. Þeir eru ráðnir hingað af Íslenskum fyrirtækjum til þess að fylla störf sem enginn íslendingur vill.

Og það er ekki útlendingunum að kenna að þau fái lægri laun, heldur fyrirtækinu sem ræður þau í vinnu, íslendingunum í gróðavon. Ættu þau ekki frekar að krefjast þess að stjórnvöld skyldi fyrirtæki sem ráða erlent vinnuafl að borga þeim mannsæmandi laun og koma í veg fyrir að íslenskir íbúðareigendur leigi stórum hópum litlar íbúðir þar sem þeir þurfa að búa við þröngan kost? Þetta ástand er íslendingum að kenna og engum öðrum. Veit ekki hvort að þau geri sér grein fyrir því eða neita að horfast í augu við það.Þess vegna er afskaplega erfitt að halda þessum fyrirslátt á lofti í staðinn fyrir að koma bara fram og segja að þeim líki illa við þennan hóp fólks vegna þess að hann hagar sér ekki eins og þau eru vön á fylleríi.

Svo var afskaplega skemmtilegt að sjá þennan ÍFÍ límmiða í glugganum á bílnum, sem snéri vitlaust. Mjög gott.

Svo er greinilegt að orðið Pólverji er búið að taka við orðinu niggari hjá íslenskum ungmennum.

Athugasemdir

[Óskar Helgi Helgason (IP-tala skráð) 11.1.2008 kl. 13:40]

Heill og sæll, Ómar Örn og gleðilegt ár !

Dragðu ekki of ótímabærar ályktanir þarna; líklegast er meginástæðan, sú kapítalízka nauðhyggja margra atvinnurekenda, að kjósa, að ráða, jah,.... Pólverja, líka sem annarra þjóða fólk, til starfa, hjá sér, á upp undir helmingi lægri launum, en innborna Íslendinga, sem á stórann þátt, í tilurð ÍFÍ, þar syðra, m.a.

Þarna er meginábyrgð, stjórnvalda, hversu komið er. Óheft frelsi innlendra athafnamanna, bitnar jafnt, á Íslendingum, sem annarra þjóða fólki, þá upp er staðið.

Sjáum fyrir okkur; Ómar, Íslendinga flykkjast í þúsunda eða tugþúsunda vís, til nágranna okkar, og frænda, Færeyinga, sökum skorts á vinnuafli þar, í þágu viðlíkra athafnamanna, sem þeirra íslenzku. Hætt er við, að sams konar ástand gæti skapast þar, einnig. 

Að líta á á Pólverja, fremur öðrum þjóðum, sem svertingja er einfaldlega rangt, í niðrunar skyni, enda við; þau hvítu langt að baki þeim svörtu, í mörgum greinum, s.s. íþróttum margvíslegum. Þeir gulu, eru t.d. mun fremri okkur, í allri hugsun nútíma vísinda, sem dæmin sanna, eins og frá Japan og víðar, austur þar, hvar þeir eru komnir með alls kyns vélmenna skrípi, sér, sem okkur öðrum á heims kringlunni til þæginda auka.

Hygg; að kynþættirnir hafi margt til brunns að bera, í einhverjum þeim greinum, hver á sinn hátt, eftir aðstæðum, hjá hverjum og einum.

Hitt er annað mál; Ómar, að þeir, sem hættulegastir eru mannlífi öllu, hér í veröld eru bandarísku og Múhameðsku heimsvaldasinnaranir. Ef ekki er ókyrrð, á tilteknum stað, skulu þessir skrattar vera snillingar í, að koma af stað látum og hörmungum, sem dæmin sanna. Meginviðfangsefni 21. aldar manna, að kljást við, sýnist mér.

Mbk. / Óskar Helgi Helgason         

[Víðir Ragnarsson, 11.1.2008 kl. 21:44]

Ég gæti ekki verið meira sammála þér Ómar.

Því miður eru samt alltaf einhverjir sem eru hræddir við það sem þeir þekkja ekki og hræðslan brýst út sem hatur. Það þarf hins vegar að reyna að koma svona "rasistum" og krakkakjánum í skilning um að þetta er ekkert hættulegt, þetta er bara fólk eins og þau sjálf.

[Egill Fannar (IP-tala skráð) 16.1.2008 kl. 23:45]

Ég vil benda á eins og hefur oft gert að við erum ekki að staðhæfa það að við hötum pólverja yfirhöfuð eða litháa eða eitthvað þannig. ÍFÍ er ekki rasista samtök einsog það er alltaf verið að segja :) við erum engir glæpamenn eða ofbeldishneygðir vitleisingar. Mikið af þeim hlutum sem birtust í DV og hafa birst í DV er alger vitleysa og hlutir teknir úr samhengi. Svo þegar við erum að tala um pólverja þá erum við líka að tala um litháa.