Týbísk tilfinningakláms umræða

Umræðan um börnin sem urðu fyrir því gífurlega óhappi að vera ráðin sem leikarar í kvikmynd sem varð óvænt vinsæl er eins og hver önnur internet umræða, uppfull af histeríu og vanþekkingu. 

Af einhverri ástæðu heldur fólk að kvikmyndaframleiðendur séu núna ábyrgir fyrir uppeldi og velferð leikara eftir að tökum líkur sérstaklega ef þau eru lítil og krúttaraleg. Því miður er það bara ekki rétt og það er ekki í verkahring þeirra að halda þeim uppi af því að þau eru fátæk.

Börnin tvö sem kastljósið beinist að voru ráðin sem leikarar eins og hver annar leikari í þessari mynd. Launin sem þau fengu voru marföld árslaun venjulegs Indverja og krakkarnir fengu menntun og reynslu sem fáir úr þeirra hópi fá að kynnast. 

Fólk bölvar Hollywood fyrir þennan skelfilega verknað, þrátt fyrir að Hollywood kom ekki nálægt framleiðslu hennar heldur var hún keypt til dreifingar og átti fyrst að fara beint á DVD. En velgengi hennar á kvikmyndahátíðum varð til þess að hún fór í almenna dreifingu og varð svona vinsæl. En þá á allt í einu kvikmyndafyrirtækið að borga þessum börnum meira. Af hverju?

Krakkarnir unnu sína vinnu eins og hver annar, fengu borgað fyrir þá vinnu og þar með er því lokið. Rétt eins og ég ræð pípara til þess að vinna í húsi sem ég er að byggja, ef ég sel það svo með miklum gróða á ég þá að borga píparanum meira? Alls ekki. Hann fékk borgað fyrir þá vinnu sem hann var fenginn til að gera. Ef það stendur í samningum að leikari eigi að fá hluta af gróða þá á það að gerast, annars ekki.

Þetta góðgerðarmál vikunnar er eins og með öll hin, því verður gleymt í næstu viku og ef að þessi mynd hefði ekki verið svona vinsæl þá væri öllum sama, rétt eins og þeim sem er alveg sama um öll hin góðgerðarmálin sem þau greiða ekki krónu í.

 


mbl.is Býður fræga dóttur til sölu
Tilkynna um óviðeigandi tengingu við frétt

Á mamma að kissa báttið?

Íslendingar hafa aldrei kunnað að mótmæla nokkrum sköpuðum hlut enda höfum við látið ráðamenn þessara þjóðar vaða yfir okkur vegna þess að það hefur verið einhver míta við að fara út á göturnar og segja sína skoðun. Hræðslan við að líta hallærislega út hefur vegið þyngra en velferð fólksins og þess vegna hefur fólk venjulega haldið sig heima, röflað um hlutina á bloggi eða yfir kaffibolla án þess að hlutirnir breytist. Ég hef sagt að Ísland væri sennilega upp til hópa samkynhneigð þjóð vegna þess að það væri sífellt verið að taka okkur í rassgatið og við virðumst njóta þess.

Það var ekki fyrir löngu síðan, þar síðasta sumar minnir mig að við þurftum að flytja inn mótmælendur til þess að mótmæla virkjunum vegna þess að við nenntum því ekki og almennings álit á mótmælendum var ekki hátt, skítugir hass reykjandi ný-hippar upp til hópa. En nú þegar Evran er orðin svona dýr þá borgar það sig ekki og Íslendingar neyðst til að gera hlutina sjálf.

Síðustu vikur hafa tugir þúsunda safnast saman og krafist afsagna hæðstu ráðamanna þjóðarinnar og hitinn virðist vera að hækka all verulega sem er frábært. Hins vegar er spurning hvort að þetta fólk sem við viljum burtu hlusti á okkur, þau hafa ekki gert það áður og komist upp með það, af hverju ætti það að gera það núna.

Nú á laugardaginn sá ég svolítið sem ég bjóst ekki við, hópur fólks, um 500 manns samkvæmt fréttum, réðst til atlögu á sjálfa lögreglustöðina til þess að fá félaga þeirra lausan úr prísund. Það er frábært, það sýnir valdinu að fólk er óhrætt og tilbúið að gera hvað sem er og ætti sem slíkt að hrista aðeins upp í því hásætis liði sem hefur reynt að sussa á okkur. Þegar fólkið í landinu er ekki hrætt við sjálft lögvaldið af hverju ættum við að vera hrædd við að gera það sama við þinghúsið eða stjórnarráðið?

Mér fannst þetta gott framtak en svo komu fréttirnar sem drápu þetta alveg. Mótmælendur að væla yfir því að hafa meitt sig í þessum átökum. Hvað er það?Við hverju var þetta fólk að búast? Þegar það brýst inn á lögreglustöð með valdi, brjótandi niður hurðir með bareflum þá ætti það að búast við því að lögreglan myndi svara í sömu mynt. Og fara svo í blöðin vælandi yfir því að fá pipar úða í augun er alveg fáránlegt. Að kalla lögregluna ódrengilega fyrir að verja sig og heimta að fá viðvörun frá þeim áður er algjört rugl. Takið þessu eins og fullorðið fólk.

Ef þú stofnar til slagsmála en kvartar svo yfir því að hafa verið laminn þá áttu ekki að standa í því.


Ásdís Rán í Júróvisjón

Enn og aftur héldu við Íslendingar að við myndum sigra í þessari bölvuðu keppni og enn og aftur reyndist það fjarri raunvöruleikanum. Margir spá í hvað þarf í gott Júróvisjón atriði, flestir vilja halda því fram að það þurfi mjög "gay friendly" atriði þar sem þessi árlegi atburður er hálfgerður þjóðhátíðardagur samkynhneigðra. En þar sem Austur Evrópa er svo stór hluti af þessari keppni núna og þeirra tónlistarsmekkur á ekki mikið upp á pallborðið hjá öðrum þjóðum þá verðum við að spila þann leik til þess að eiga möguleika. Það sem ég tók eftir þetta árið var að sex appeal var mikið hjá þeim þjóðum sem voru í efstu sætum, Rússinn nánast ber að ofan og Ukraína með þessa píu sem var ansi vel útlítandi. Okkar keppendur hafa nákvæmlega ekkert sex appeal, hvort sem þú ert gagnkynhneigður eða samkynhneigður og þegar ég fór að hugsa um það þá er enginn söng kona eða söngvari sem hægt væri að kalla kynþokkafullan. En núna vita allir landsmenn að Ásdís Rán er vaðandi í kynþokka og er sú manneskja sem stendur fremst í því að kynna íslenska fegurð fyrir útlendingum. Þess vegna legg ég til að menn fari að kenna stúlkunni að syngja og senda hana svo til Rússlands þar sem hún mun örugglega leggja kommanna að fótum sér með sinni fegurð og þokka sem kom henni vel þegar hún reyndi að komast inn á Astró og Tunglið á sínum tíma. Djöfull er þetta góð hugmynd hjá mér.

Hvar var ÍFÍ?

Spurning hvort að meðlimir ÍFÍ hefðu ekki átt að standa fyrir mótmælum fyrir utan Paddy's í gær til að mótmæla komu þessarra þeldökku listamanna sem er að úrkynja okkar menningu með sínu Hip hoppi og RnB og mótmæla gistingu Beyonce á hóteli bæjarins því að íslensk hótel eru náttúrulega fyrir íslendinga.

 


mbl.is Beyoncé á Hótel Keflavík í nótt
Tilkynna um óviðeigandi tengingu við frétt

Pólverjinn er nýji niggarinn. Samkvæmt ÍFÍ

Sá í DV í dag að útlendingahatararnir í ÍFÍ hafa margt að segja og þora meir að segja að koma fram undir nafni ólíkt vitleysingnum hjá Skapara.com og þessum tveimur KKK lúðum sem strunsuðu um í lökum í öskjuhlíðinni fyrir nokkrum árum.

Ég vill ekki kalla þessa krakka rasista því að þau eru að agnúast út í sinn eigin kynþátt þar sem þau eru afskaplega á móti Pólverjum að einhverjum ástæðum, þrátt fyrir að það séu Litháar sem mest hafa haft sig frammi í fyllerís vitleysu og glæpum tengdum því, eins og koma fram í nýlegri könnun.

Er það ekki svolítið kaldhæðið að þessi hópur skuli verða til í vöggu útlendinga hér á landi. Ekki er langt síðan að þessi bær var morandi í Bandaríkjamönnum og allir þeir útlendingar sem koma til landsins þurfa að fara þar í gegn. Þannig að þessi bær á nánast allt sitt að þakka útlendingum sem voru aðal peningasprauta þessa bæjarfélags í áratuga skeið. Vita þessir krakkar það? Er þeim sama? Hvað finnst þeim um þau erlendu áhrif sem gegnsýra menningu okkar? Öll hlusta þau á erlenda tónlist, klæðast eftir erlendum tískum, Goth og hip hop er mjög íslenskt t.d.

Það var margt forvitnilegt og skondið í frásögninni eins og þegar stúlkan sem gaf viðtalið sagði í byrjun að Ísland væri ekki lengur hvítt af því að það væri allt morandi í Pólverjum hérna. Eitthvað að þessari fullyrðingu.Svo kvörtuðu þau einnig yfir því að fangelsi íslands væru uppfull af útlendingum sem væri ekki við hæfi þar sem þessi íslensku fangelsi væru fyrir íslenska fanga og enga aðra. Er hinsvegar sammála að senda ætti erlenda fanga til síns heima í afplánum, nóg er lítið pláss á Hrauninu fyrir, svo ekki er talað um þann kostnað sem fylgir því og við þurfum að greiða í skatt.

Mig langar að vita hvort að þessir krakkar geri sér grein fyrir ástæðunni fyrir öllu þessu erlenda vinnuafli. Eru útlendingar að "stela" vinnu af íslendingum? Held að enginn geti haldið þeirri fullyrðingu á lofti.Og af hverju eru krakkarnir að væla yfir þessu liði? Fengu þau ekki vinnu í fiski, skúringum, vöruafgreiðslu eða byggingarvinnu vegna útlendinga? Í staðinn fyrir að röfla yfir útlendingum eiga þessir krakkar að röfla yfir því hvað Íslendingar hafa það gott, hafa meiri möguleika á vel borgaðri og virðingameiri vinnu. Það er út af góðærinu og auknum tækifærum sem íslendingar sækjast ekki í láglaunastörf. Ef að manneskja sér að menn eins og Lárus Welding sem er rétt 32 ára er kominn í eina hæst launuðustu stöðu á landinu svona ungur að árum þá eru menn ekki að hlaupa í slorið og ryðgaða nagla til þess að verða ríkir. Það kemur útlendingum ekkert við hvernig vinnu ástandið er, ef ástand skildi kalla þar sem atvinnuleysi hefur aldrei verið minna og flestir hafa það bara gott.

Einnig er stór hluti af þessum "Pólverjum" farandverkamenn sem yfirgefa landið þegar þeirra vinnu er lokið. Þess vegna er enginn að fara skilda menn í tungumálanám og margra vikna background check vegna tímabundinnar vinnu. Þetta snýst allt um tíma og peninga, sem enginn hefur og vill ekki eyða.Það eru ekki útlendingarnir sem koma hingað á eigin vegum til þess eins að finna vinnu. Þeir eru ráðnir hingað af Íslenskum fyrirtækjum til þess að fylla störf sem enginn íslendingur vill.

Og það er ekki útlendingunum að kenna að þau fái lægri laun, heldur fyrirtækinu sem ræður þau í vinnu, íslendingunum í gróðavon. Ættu þau ekki frekar að krefjast þess að stjórnvöld skyldi fyrirtæki sem ráða erlent vinnuafl að borga þeim mannsæmandi laun og koma í veg fyrir að íslenskir íbúðareigendur leigi stórum hópum litlar íbúðir þar sem þeir þurfa að búa við þröngan kost? Þetta ástand er íslendingum að kenna og engum öðrum. Veit ekki hvort að þau geri sér grein fyrir því eða neita að horfast í augu við það.Þess vegna er afskaplega erfitt að halda þessum fyrirslátt á lofti í staðinn fyrir að koma bara fram og segja að þeim líki illa við þennan hóp fólks vegna þess að hann hagar sér ekki eins og þau eru vön á fylleríi.

Svo var afskaplega skemmtilegt að sjá þennan ÍFÍ límmiða í glugganum á bílnum, sem snéri vitlaust. Mjög gott.

Svo er greinilegt að orðið Pólverji er búið að taka við orðinu niggari hjá íslenskum ungmennum.


Í fegurðarsamkeppni við Guð

Nú stendur yfir á mbl.is kostning á bestu bókakápunni árið 2007. Einhver nefnd hefur valið 30 kápur til þess að velja úr og kápan mín fyrir bók Arnalds Indriða "Harðskafi" er ein af þeim. Einnig er nýja útgáfan af Biblíunni meðal þeirra bóka sem hægt er að kjósa um. Ekki amalegt það að keppa á móti almættinu. Endilega kíkið og kjósið (mig væri náttúrulega best).

Takið þátt hérna. 


Hó hó hó! We say hey hey hey!

Það litla sem ég hef séð af þessum annars skelfilega þætti Laugardagslögin á RÚV hefur verið alveg...ja...skelfilegt. Ef þetta eru lögin sem komust áfram í keppnina, hvernig voru þau sem fengu neitun? Það sem hefur hins vegar staðið upp úr eru samt lögin hans Barða Jóhannssonar sem greinilega tekur þessa keppni ekki eins alvarlega og hinir skúffu lagahöfundarnir sem virðast skríða út úr híbýlum sínum á hverju ári fyrir þessa blessuðu keppni. Lagið hans "Á ballið á" gerði óspart grín að skagfirsku sveiflunni og var nánast of sannfærandi. Drullu fyndinn texti og skemmtilega hallærislegt lag sem virkar bara af því hann er að djóka. 

Lagið hans í kvöld, Hó hó hó! We say hey hey hey var hinsvegar algjör helvítis snilld og virkilega vel sett saman, með Gillza, Partý Hans, Ceres 4 og þennan massa trommara og söngspírunni sem skilaði sínu vel. Enn og aftur nær Barði að gera fáránlega sannfærandi lag sem hljómar eins og Scooter hittari, með viðlagi sem maður fær á heilan og ógeðslega fyndið í einfaldleika sínum.

Ég gæti alveg séð þetta lag fara út í keppnina og ég held að það þurfi ansi sterkt lag til þess að slá þessu við. Austur Evrópa á eftir að gleypa við þessu lagi og það er einnig mjög gay friendly bæði sem danslag og ekki er verra að hafa þessa hel mössuðu spaða spriklandi á sviðinu bera að ofan.

Það eina sem vantaði var að Gilli færi úr að ofan, en ég hef það frá áreiðanlegum heimildum að drengsi hafi bætt eitthvað á sig og ekki viljað sýna mörið fyrir almenning. Þá verður hann bara að fara í átak fyrir úrslita keppnina svo hann geti sýnt vel skapaðan líkamann sinn í beinni.

Áfram Barði! 


Nýr sushi staður! Nammi namm.

Mikið er ég glaður að nýr almennilegur sushi staður hefur opnað á Laugavegi, ódýrari en bölvaður Sushi the train (heitir það samkvæmt lógóinu þeirra) og betri þjónustu en Maru.

Staðurinn er staðsettur neðst á Laugaveginum og heitir Sushibarinn. Hann er á stað sem Gott í gogginn var áður, ótrúlega lítill og kósí og helvíti flottur. Hægt er að borða á staðunum eða taka með þannig að þetta er fjandi gott eftir að maður er búinn í vinnunni eða bara í hádeginu. 

Mæli ótvírætt með þessum frábæra stað sem er fersk nýjung í okkar frekar sorglegu skyndibita menningu.


Andskotans djöfulsins.

Mikið djöfull er ég pirraður í dag. Fékk að heyra það í gær kvöldi að íbúðin sem ég er búinn að vera í tómu ströggli við að kaupa verður frekar sett á leigu af eiganda hennar. Ég gæti lamið þetta fífl.

En þetta er ekki allt honum að kenna, Glitnir á stóran þátt í því að við skötuhjúin misstum þessa íbúð úr okkar greipum. Það tók þessa vitleysinga hjá Glitni þrjár vikur, eftir eilíft skriffinnsku vesen og tafir að segja að við stæðumst ekki greiðslumat. Ósátt og undrandi fórum við í Landsbankann eftir að seljandi íbúðarinnar benti okkur á að fara þangað og það tók þá tvo daga að samþykkja greiðslumatið, tvo fokking daga! Ekki skil ég hvurslags kröfur Glitnir krefst af sínum viðskiptavinum en kannski fékk ég ekki þetta í gegn af því að ég gerði grín af hári nýs bankastjóra sem er yngri en ég en er með grárra hár en afi minn. En alla vega má Glitnir hoppa upp í sitt allra heilagasta fyrir mér.

En seljanda melurinn er þó ekki skárri. Við fengum 15 daga til þess að komast í gegnum greiðslumatið sem við auðvitað fórum yfir í viðskiptum okkar við Glitni en seljandinn stoppaði okkur aldrei af heldur gaf okkur séns af því að hann þekki kærustuna og þannig áleit ég að samningurinn væri framlengdur og einhver ábyrgð lægi á seljandanum varðandi það, en ónei.

Hann var einnig sá sem benti okkur á að fara í Landsbankann og benti á einhvern vin sinn sem gæti hjálpað okkur. Þannig að maður hugsaði náttúrulega að maðurinn vildi selja, hann er nefnilega á leið til útlanda að stofna góðgerðarsamtök. Ég efast um góðmennsku þessa manns eftir þessi viðskipti.  

Það tók Landsbankann eins og áður sagði 2 daga að samþykkja greiðslumatið, án þess að þurfa að hafa samband við þennan vin seljanda, en sama dag og það gekk í gegn fáum við fréttir af því að hann sé farinn að endurhugsa viðskiptin og að hann vilji kannski frekar leigja eftir allt saman. Okkur var ekki skemmt þar sem við vorum alveg á því að við værum að fara fá þessa íbúð. Hann lét okkur vita að hann væri að fara yfir málin en benti á að hann væri ekki afhuga því að selja, en það var frekar augljós leið að segja okkur að hann vildi fá meiri pening út úr okkur. Þannig dró þessi mann fjandi okkur á asna eyrunum í nokkrar vikur og nú segir hann okkur að hann vill frekar leigja. Melur og skítbuxi. 

Þannig að nú hefst þetta ömurlega ferli að finna nýja íbúð og allt það bölvaða vesen sem fylgir því.


Hvað er að ungdóminum?

Ég var í Fjarðarkaupum áðan að versla og kærastan er ansi ginkeypt fyrir grænmeti sem er gott og vel. Við kláruðum innkaupin og fórum að kassanum að borga fyrir kræsingarnar. Ung stúlka var að vinna við kassann og fór í gegnum vörurnar en þegar kom að grænmetinu þá hikaði stúlkan eitthvað en kláraði algengustu vörurnar eins og tómata og agúrku. Ég tók eftir því að stúlkan tók svo blómkálið horfði á það í smá stund, leit svo á lista yfir grænmeti en setti það svo til baka og tók eggaldin í staðin. Enn og aftur starði hún á þetta furðulega fyrirbæri en spurði svo hvað þetta væri. Eggaldin svaraði kærastan en svo kom röðin aftur að blómkálinu. Stúlkan reyndi að láta það líta út eins og hún vissi hvað þetta væri en leit aftur á listann en vissi greinilega ekki hvað blómkál heitir. Á endanum leit hún á kærustuna sem sagði Blómkál áður en hún gat spurt hana.

Ég get svo sem skilið að ungt fólk viti ekki hvað Eggaldin heitir, það er ekki mikið borðað en það var samt til í búðum þegar ég var krakki fyrir 20 árum síðan. En kom on! Blómkál er eitt algengasta grænmeti sem til er á landinu og hefur þessi stúlka aldrei séð þetta áður eða borðað það? Eða er hún bara svona vitlaus og kýs ekki að vita hvað þetta heitir af því að það er ekki töff?

Sorglegt en kannski voru allir þessir Hafnafjarðarbrandarar sannir? 


Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband