Never mind the Buzzcocks. Besti tónlistar spurningaþáttur EVER!

Mig langar að benda á frábæran sjónvarpsþátt á BBC 2 sem heitir “Never Mind the Buzzcocks” og er með fyndnustu og skemmtilegustu spurningaþáttum sem ég hef séð. Mig grunar að Dr. Gunni og Felix hafi vitað um þennan þátt þegar þeir gerðu Popp punkt hér um árið því að þessum tveimur þáttum svipar eilítið til hvors annars. Never Mind the Buzzcocks er þannig byggður upp að tvö lið keppast um stig. Bæði liðin hafa liðsstjóra sem eru fastráðnir í þættinum en utanað komandi keppendur eru mis frægir tónlistarmenn, fjölmiðlafólk eða grínistar. Stjórnandinn, Simon Amstell gerir miskunnarlaust grín að keppendum og þeim sem eru teknir fyrir í spurningum en á móti kemur að keppendur geta gert eins mikið grín af öllum hinum og þeir vilja. Þannig að maður liggur í kasti yfir þessum þætti og tekur síðan eftir að það er rauninni enginn að keppa um neitt, bara hafa gaman af þessu.

Youtube.com er með slatta af þáttum í heilu lagi á sinni síðu og mæli ég eindregið með því að menn skoði þessa djöfla snilld. Ég get bara ekki lýst þessu nógu vel.

Hérna er smá forsmekkur. Heill þáttur í þremur hlutum á youtube.

1. Hluti.

2. Hluti

3. Hluti

Nevermind the Buzzcocks á youtube.com 

Athugasemdir

[Siggeir (IP-tala skráð) 9.4.2007 kl. 02:44]

Ahh, Bill Bailey er bestur.

[Siggeir (IP-tala skráð) 9.4.2007 kl. 04:18]

Vá Ómar. Ég verð bara að koma á framfæri þökkum til þín fyrir að hafa bent mér á þessa þætti. Ég er búinn að eyða síðustu tveimur klukkutímum (og klukkan er núna korter yfir 4 að nóttu) að horfa á þessa snilld, og hef legið í krampa allan tíman. Hvílík gargandi snilld!